MAKTAB PREZIDENTLIK KENGASHI

Maktab prezidentlik kengashi

O`quvchilar orasida o`z-o`zini boshqarish tizimini tashkil etish.

“Maktab prezidentlik kengashi”ning
Nizomi

1   Maktab prezidentlik kengashi tashkil etilishidan maqsad maktab o’quvchilarini maktab pedagogik jamoasi bilan hamkorlikka  jalb etish , o’z-o’zini boshqarishni rivojlantirish.

1.2    Prezidentlik kengashining faoliyati maktabning Kamolot YOIH, sinf rahbarlar metod birlashmasi va maktab kengashi bilan hamkorlikda  olib boriladi.

2   Maktab prezidentlik  kengashini tashkil etish.

2.1  Maktab prezidentlik kengashiga sinflarda saylangan faol o’quvchilar kiradi. (sinfdan 2kishi )

2.2 Prezidentlik kengashining maqsad va vazifasiga qarab vazirliklarga bo’linadi.

2.3  Prezidentlik kengashining har bir a’zosi amalga oshirilgan ishlar bo’yicha oyida 2 marotaba hisobot beradi.

2.4 Maktab prezidentining saylovi “Saylov” o`yini natijasida aniqlanadi, prezidentlikka nomzod saylovda o`z dasturi asosida ishtirok etadi, saylovlar  oshkoralik prinsipi  asosida o`tkaziladi.

2.5 Maktab prezidentligiga 8-9-sinf o’quvchilari o’z nomzodligini qo’yishi mumkin.

2.6 Maktab prezidentlik kengashi:

-          Prezidentlik kengashining yillik ish rejasini  tuzadi;

-          Maktab kengashini va “Kamolot” YoIH vazifalarini ijro etilishini tashkil  etadi;

-          “Kamolot” YoIH va sinf jamoalari o`rtasidagi hamkorlik  faoliyatini taminlaydi;

-          Sinflarning qilingan ishlar yuzasidan hisobotlarini qabul qiladi;

-         “Chorak sinfi”, “Chorak o’quvchisi” tanlovini o’tkazish “Yil sinfi”, “Yil ’quvchisi” tanlovi g`olibini aniqlash

-         Maktabda navbatchilikni tashkil etadi, sanitariya-gigiyena tartibini kuzatish bo’yicha tekshiruv olib boradi;

2.7  Prezidentlik kengashi qarorlari barcha sinflar uchun majburiydir.

2.8 Prezidient kengashi yig’ilishlari bayonnoma orqali rasmiylashtiriladi.

2.9 Maktab prezidentlik kengashi faoliyati bilan bog`liq bo`lgan moddiy harajatlar vasiylik kengashi qarori bilan amalga oshiriladi.

3.0  Nizomga o`zgartirish kiritish tartibi Maktab pedagogik kengashi qarori bilan amalga oshiriladi.

 O’Z-O’ZINI BOSHQARISH MAKTAB TASHKILOTINING ORGANLARI

• O’z-o’zini boshqarish tashkilotini Prezident boshqarib boradi.
•  Vitse-prezident , klub raxbarlarini boshqarib, ularning shaxsiy ish rejalarini tekshirib, nazorat qilib boradi, prezident kengashi yig’ilishlarida ularning hisobotlarini tinglaydi.
• Prezidient kengashining yig’ilishlarini tashkil etib, oldindan ishlarni rejalashtirib, hujjatlarni yuritilishini olib boradi.
•  Maktabda bo’ladigan barcha voqea va hodisalardan voqif bo’lgan holda, haftalik yig’ilishlarni olib boradi.

VITSE-PREZIDENT

• Prezident o’rinbosari sanaladi.
• Klublarda ishlarni tashkil qilish va nazorat qilish.
• Klubning rejasini tuzadi, ishlarni taqsimlash, o’z vaqtida bajarilishini nazorat qiladi.
• Qilingan ishlar yuzasidan hisobot berib boradi.

MAKTAB ICHKI ISHLAR VAZIRI

• Maktab kengashi bilan aloqa o’rnatib, uning ishlarida faol ishtirok etadi.
• Arz va shikoyatlarni qabul qiladi.
• Sanitariya ishlari yuzasidan nazorat olib boradi.
• O’quv ishlarini nazorat qilib boradi.
• Maktabda navbatchilikni tashkil etadi va nazorat qilib boradi.

MAKTAB TA’LIM VAZIRI

• Uy ishlarini tekshirish , kitoblarni saqlanishi va bo’sh o’zlashtiruvchi o’qivchilar bilan ishlaydi.
• Fanlar yuzasidan musobaqalar o’tkazib boradi.
• O’quv konsultatsiyalarini tashkil etadi.

MAKTAB SPORT  VAZIRI

• Sport tadbirlarini tashkil etib boradi.
• Sport musobaqalarini olib borilishini nazorat qilib boradi.
• Sport musobaqalarini o’tkazish uchun sport anjomlarini tayyorlaydi.

MAKTAB MEXNAT   VAZIRI

• O’quvchilarning mexnat faoliyatini tashkil qiladi.
• O’z vaqtida xonalarning tozaligini tashkil qilib borish, sinf tozalik oynasi to’ldirib boradi.
• Mexnat faoliyati uchun mexnat anjomlarini tayyorlaydi.

Tashkilotchilar boshqarmasi

• Ma’naviy-marifiy kechalarni tashkil qiladi.
• Ta’til davrida qiziqarli kechalarni uyushtiradi.

Axborot va Dizayn  boshqarmasi

• Devoriy gazetalarni    chiqaradi.
• Stendlar tayyorlaydi.
• Bayram kechalarini   bezatadi.